Макрон: „Безусловната помош на Либан мора да биде приоритет“

БЕЈРУТ

Францускиот претседател Емануел Макрон го посети Либан, откако Бејрут е погоден со силна експлозија, јавува Агенција Анадолија (АА).

Макрон заедно со либанскиот колега Мишел Аун го посети пристаништето на Бејрут, каде што во вторникот дојде до разорна експлозија.

Францускиот претседател рече дека „Либан не е сам“ и истакна дека безусловната помош на Либан мора да биде приоритет.

Тој напомена дека Либан се наоѓа во длабока криза поради што е потребен отворен дијалог со либанските функционери.

Макрон вети покренување иницијатива за координирана меѓународна помош на Либан.