Курбан бајрам во Кина, Иран, Азербејџан, Непал и Тајланд

ПЕКИНГ/ТЕХЕРАН/БАКУ/ИНАРУВА/ПАТАНИ (АА) - Муслиманите низ светот го одбележуваат еден од најголемите муслимански празници, Курбан бајрам, јавува Anadolu Agency (AA).

Муслиманите во Кина, Иран, Азербејџан, Непал и Тајланд утринава го дочекаа овој празник и во џамиите ја извршија молитвата Бајрам намаз.

Утринава џамиите беа полни и во Кина. Ниуџјие, најголемата и најстара џамија во Пекинг, на Бајрам намаз беше исполнета со муслиманите од тој град. Според официјалните податоци, во Кина живеат повеќе од 20 милиони муслимани.

И во Мусала и Имам Хумејна, најголемата џамија во Техеран, муслиманите утринава ја извршија молитвата Бајрам намаз.

Имамот Ахмед Хатеми во хутба укажа на важноста на курбанот и заедништвото на муслиманите.

Верниците утринава ги наполнија и џамиите во Баку. Поради недостаток од место, голем број верници ја извршија молитвата Бајрам намаз во харемот.

Курбан бајрам е одбележан и во Непал и Тајланд. Џамиите во Непал беа полни со муслимани, кои сочинуваат пет отсто од населението на оваа јужноазиска земја.

И џамиите во Тајланд беа исполнети со илјадници верници.