Burak Bir
12 Септември 2019•Ажурирај: 13 Септември 2019
АНКАРА (АА) - Предводниците во борбата против климатските промени и научниците денеска ќе одржат онлајн конференција, во пресрет на Климатскиот самит на Обединетите нации (ОН), пренесува Anadolu Agency (AA).
Бил Меккибен, основачот на Движењето 360; Харџит Синг од „ActionAid“; научничката д-р Дорин Стабински; борецот против климатските промени од САД, Џером Фостер и други учесници од сите страни на светот ќе одржат конференција.
На конференцијата ќе ги претстават стратегиите за надминување на климатските промени и ќе се обидат да дадат одговори на многу прашања.
„Конференцијата ќе ги опфати очекувањата за Самитот [на Обединетите нации], плановите за мобилизација на 20 и 27 септември, барањата на младинските активисти, како и следните чекори за идни протести на движењето за климатските промени“, се вели во соопштението објавено на веб-страницата на борците за климатски промени.
Учесниците од 150 земји во светот ќе стапат во глобален штрајк за климатските промени и преку различни демонстрации ќе се обидат да го привлечат вниманието за реалната состојба на климатските промени.
