Исчезнатата подморница „Титан“ претрпи „катастрофална имплозија“, се верува дека патниците се мртви

ВАШИНГТОН (АА) - Исчезнатата туристичка подморница што беше наменета за посета на местото на остатоците на „Титаник“ претрпи „катастрофална имплозија“ во длабочините на океанот, соопшти американската крајбрежна стража, со што потрагата по петте луѓе во бродот заврши со трагичен крај, јавува Анадолу.

„Возило управувано од далечина го пронајде конусот на опашката на потонатата подморница 'Титан' на морското дно на приближно 1.600 стапки (488 метри) од лакот на 'Титаник'“, изјави за новинарите во Бостон, Масачусетс, адмирал Џон Маугер од крајбрежната стража.

„За ова откритие веднаш ги известивме семејствата во името на крајбрежната стража на САД и целата обединета команда. Им изразувам најдлабоко сочувство на семејствата“, рече Маугер.

„Титан“ исчезна во неделата, откако се спушти на дното на океанот, со четворица патници и еден пилот, на пат кон остатоците од „Титаник“.

Во подморницата беа британскиот милијардер Хемиш Хардинг, кој ја поседува „Action Aviation“, пакистанскиот бизнисмен Шахзада Давуд и неговиот син Сулејман Давуд, францускиот управувач со подморници Пол Хенри Наргеолет и Стоктон Раш, основач и извршен директор на OceanGatea, кој ја поседува подморницата и организира мисии.

Се верува дека сите патници на подморницата загинале во имплозија.

Претходно туристичката компанија OceanGate, која ја поседуваше подморницата, соопшти дека верува оти членовите на екипажот „за жал се изгубени“, поздравувајќи ги мажите како „вистински истражувачи што споделувале посебен авантуристички дух и длабока страст за истражување и заштита на светските океани“.

„Целото семејство OceanGate им е длабоко благодарно на големиот број мажи и жени од повеќе организации на меѓународната заедница кои беа експедитивни во изнаоѓањето на широк опсег на ресурси и толку многу напорно работеа на оваа мисија“, се вели во извештајот.

„Ги цениме и нивната посветеност да ги пронајдат петтемина истражувачи и нивните денови и ноќи на неуморна работа како поддршка на нашата екипа и семејствата на луѓето во подморницата“, се вели во соопштението на компанија OceanGate.

Запрашан за можноста за извлекување на посмртните останки на членовите на екипажот, Маугер ја нагласи „неверојатно непростлива средина таму долу на морското дно“, но рече дека властите ќе продолжат да бараат во областа на остатоците. Допрва треба да се утврди временската рамка за тоа кога ќе завршат операциите.

Адмиралот Маугер нагласи дека официјалните лица допрва треба да утврдат кога имплодирал „Титан“, но рече дека „се чини оти нема никаква поврзаност помеѓу звуците од удирање што започнаа во вторникот и локацијата на полето со остатоците“.