Ирак: Во судири во Насирија загинаа четворица демонстранти

БАГДАД

Во судирите меѓу демонстрантите и безбедносните сили во јужниот ирачки град Насирија, загинаа четири лица, јавува Anadolu Agency (AA).

Во судирите кои продолжија до полноќ се повредени 146 лица, вели извор, кој зборуваше под услов да остане анонимен.

Тој изјави дека поголемиот дел од повредите настанале како последица на користење солзавец и во оган кој го отвориле безбедносните сили.

Најмалку 319 демонстранти се убиени и илјадници повредени за време на антивладините демонстрации кои во Ирак започнаа на 1 октомври.

„Амнести интернешнал“ (Amnesty International) во саботата ги повика ирачките власти да ги спречат безбедносните сили за да не дојде до крвопролевање.

Ирачаните одржуваат демонстрации во различни места во земјата за да го искажат својот револт против невработеноста, корупцијата и недоволните јавни услуги.