Израелските сили уапсија уште 60 Палестинци во рациите на Западниот Брег

РАМАЛА (АА) – Израелската војска уапси уште 60 Палестинци во воените рации денес на окупираниот Западен Брег, јавува Анадолу.

Меѓу приведените во рациите, кои беа спроведени во Калкилија, Источен Ерусалим, Наблус, Рамала и Хеброн, се и две жени, се наведува во заедничкото соопштение на Комисијата за прашања на затворениците и Палестинското здружение на затвореници.

Според палестинските податоци, со новите апсења бројот на приведени Палестинци од страна на израелската војска на Западниот Брег од октомври минатата година се искачи на 9.100.

Тензиите се зголемени низ Западниот Брег откако Израел ја започна смртоносната воена офанзива врз Појасот Газа, во која загинаа речиси 36.600 луѓе.

Според податоците на Министерството за здравство, оттогаш се убиени најмалку 528 Палестинци, а речиси 5.100 се повредени од оган на израелската војска на окупираната територија.

Израел е обвинет за геноцид пред Меѓународниот суд на правдата (МСП), кој во својата последна пресуда му нареди на Тел Авив веднаш да ја прекине својата воена операција во Рафа во јужниот дел на Појасот Газа, каде што повеќе од еден милион Палестинци побараа засолниште од војната пред да почне копнениот напад врз градот на 6 мај.