Започна програмата за обука за новинари од областа на дипломатијата во организација на Агенција Анадолија

АНКАРА

Агенција Анадолија (АА) денес започна со програмата за обука во областа на дипломатијата за медиумските работници низ светот.

Програмата за обука, достапна преку видеоконференција, е организирана во соработка со турската Агенција за соработка и координација (ТИКА) за 56 учесници од 13 земји.

На свеченото започнување на програмата, директорот на Академијата за вести на АА, Џихангир Ишбилир, изјави дека програмата за обука се базира на специјализиран наставен план во областа на дипломатијата.

Координаторот на проектите за обука на ТИКА, Мустафа Хасим Полат, изјави дека тие продолжуваат да организираат неколку програми за обука во соработка со АА.

На првиот ден од обуката присуствуваат околу 32 медиумски претставници од Алжир, Чад, Палестина, Ирак, Судан, Тунис, Јордан и Јемен.

Денес предавање одржаа главниот и одговорен уредник на АА за странски јазици, Мехмет Озтурк, заменик-уредникот на АА за вести од Блискиот Исток, Халил Челик, и заменик-уредникот на АА во Одделот за вести на арапски јазик, Ибрахим Килич.

Главниот дописник за вестите од Блискиот Исток, Хајдар Карапл, и уште еден дописник од истиот оддел, Есат Фират, ќе одржат предавање на вториот ден од обуката.

Програмата ќе заврши во среда, при што претставникот за Катар на АА, Ахмед Јусуф, ќе одржи предавање.