Катарскиот лидер се состана со делегацијата на либиската Влада

ДОХА

Катарскиот емир Шеких Тамим бин Хамад ал Тани денес во Доха се состана со делегацијата на либиската Влада, со која одржа разговори во врска со последните случувања во земјата разорена од војна, пренесува Агенција Анадолија (АА).

„Катарскиот емир со либискиот министер за надворешни работи Мохамед ал Тахер Сиала и министерот за внатрешни работи, Фатхи Башага, разговараше за начините за зајакнување на билатералната соработка меѓу Катар и Либија“, објави официјалната новинска агенција КНА.

Катар е еден од главните поддржувачи на меѓународно признатата либиска Влада против Калифа Хафтар, кој е поддржан од неколку други земји, вклучувајќи ги Обединетите Арапски Емирати, Египет, Русија и Франција.