Либија: Загинаа двајца киднапирани граѓани на Србија во нападите врз ДАЕШ

БЕЛГРАД (АА) - Двајца државјани на Србија, кои беа киднапирани во ноември минатата година во Либија, се убиени во воздушните напади на САД врз базите на ДАЕШ во либискиот град Сабрата, изјави првиот потпретседател на Владата на Србија и министер за надворешни работи, Ивица Дачиќ, додавајќи дека за смртта на двајцата офицери на српската амбасада се информирани нивните семејства, јавува Anadolu Agency (AA).

Дачиќ на вонредната прес-конференција одржана во српската влада, рече дека се чека официјална потврда од либиските власти, како и идентификација.

"За жал, ние вчера попладне ја добивме информацијата дека во овој напад загинаа неколку странци, меѓу кои и двајца вработени во нашата амбасада", рече Дачиќ.

Додавајќи дека информациите не е официјално потврдена од страна на либиските власти, Дачиќ рече дека "се очекува идентификација".

"Не може да се потврди со сигурност, но добивме фотографии кои јасно укажуваат на тоа дека оваа информација е веројатно точна", рече Дачиќ.

Дачиќ, исто така, рече дека и Пентагон синоќа соопштил дека воздушните сили извршиле напад во Либија за цели кои претставуваат закана за САД.