Во Ирак се одржа Фестивал на убавина за мачки

СКОПЈЕ (АА) – Во организација на Кралската ветеринарна болница, во ирачкиот град Сулејманија денес се одржа второто издание на Фестивалот на убавина за мачки, каде што љубителите на мачки се собраа за да уживаат во уникатната атмосфера, јавува Анадолу.

На Фестивалот учествуваа околу 200 мачки, а првата селекција беше направена преку гласови на социјалните мрежи.

Финалистите беа оценувани од стручно жири, кое го избра победникот – мачката по име Гуле Рана.

Настанот има за цел да ја поттикне љубовта кон животните и да ја зголеми свеста за грижата и благосостојбата на мачките.