Во израелските напади во Појасот Газа од 7 октомври убиени се речиси 39.900 Палестинци

ГАЗА (АА) - Најмалку уште 142 Палестинци се убиени во немилосрдните израелски напади во Појасот Газа, со што вкупниот број убиени од 7 октомври минатата година се зголеми на 39.897, соопшти денес Министерството за здравство на Газа, пренесува Анадолу.

Во соопштението на Министерството се додава дека во нападите се повредени околу 92.152 лица.

„Израелските сили убија 142 лица, а 150 ранија во три масакри врз семејства во последните 24 часа“, соопшти Министерството.

„Многу луѓе сѐ уште се заробени под урнатините и на патиштата бидејќи спасувачите не можат да стигнат до нив“, се додава во соопштението.

Израел ја продолжи бруталната воена офанзива на Појасот Газа од 7 октомври 2023 година по нападот на Хамас и покрај резолуцијата на Советот за безбедност на ОН со која се бара итен прекин на огнот.

По повеќе од 10 месеци израелски напади, огромни делови од Газа лежат во урнатини во услови на блокада на храна, чиста вода и лекови.

Израел е обвинет за геноцид од страна на Меѓународниот суд на правдата (МСП), кој му нареди веднаш да ја прекине воената операција во јужниот град Рафа, каде што повеќе од милион Палестинци побараа засолниште од војната пред да биде нападнат на 6 мај.