Во Белгија уапсени двајца припадници на терористичката ПКК
„Белгиските судски органи во ефективна соработка со Евроџаст и Европол, ја имаа за цел терористичката група вклучена во регрутирање и обука на курдските терористички борци“
АНКАРА (АА) - Полициската агенција на Европската Унија, Европол, соопшти дека во Белгија се уапсени двајца осомничени припадници на ПКК, кои се обвинети за регрутирање и обука на терористите, пренесува Anadolu Agency (AA).
„Белгиските судски органи во ефективна соработка со Евроџаст и Европол, ја имаа за цел терористичката група вклучена во регрутирање и обука на курдските терористички борци“, соопшти Европол.
„Двајца осомничени се уапсени од страна на белгиските власти и ќе бидат испратени на сослушување“, се вели во соопштението.
„Единицата за судска соработка на ЕУ, Евроџаст, го олесни издавањето и пренесувањето на неколку европски налози за истраги, кои брзо беа извршени во земјите членки на ЕУ, вклучувајќи ги Австрија, Белгија, Франција, Германија и Швајцарија“, се додава во соопштението.
Полициската агенција на Европската Унија, Европол, со седиште во Хаг, Холандија, им помага на земјите членки на ЕУ во борбата против сериозните меѓународни злосторства и тероризмот.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.