Белгија: Во Кастерле познат како „град на тиквите“, џиновската тиква чека да го собори светскиот рекорд

БРИСЕЛ (АА)

- Селен ТЕМИЗЕР

Тикви од еден тон, одгледани и изложени во градот Кастерле во Белгија, секоја година во октомври се натпреваруваат во соборување рекорди.

Кастерле, сместен во близина на белгискиот пристанишен град Антверпен, на границата со Холандија, во земјата е познат како „градот на тиквите“.

Кастерле има приближно 20.000 жители, и во него се зборува на фламански јазик. Градот ги пречекува своите посетители со табела на која се поставени фотографии од тикви.

Патот што води до центарот на градот го красат гајби полни со тикви и украсни предмети кои се продаваат.

Големи и мали тикви може да видите во градините на куќите па дури и во местата покрај патиштата.

Кастерле со тиквите привлекува локални туристи, особено овие денови од годината. Најголемата карактеристика на градот се џиновските тиквите кои се натпреваруваат на европско ниво.

Секоја година во првата недела од октомври, луѓето од Кастерле, џиновските тикви што ги одгледуваат во своите оранжерии, ги носат во областа каде што се одржува фестивалот.

Тиквите од различни бои и форми внимателно се мерат од страна на жири комисија. Одгледувачите со нетрпение чекаат нивниот труд да биде награден.

Одгледувачи на оранжерии во Кастерле уживаат во натпреварите. Луѓето кои се собираат во областа на фестивалот носејќи храна и пијалоци, споделувајќи ја возбудата на натпреварувачите.

Интересно е тоа што децата, па дури и нивните детски возила на фестивалот делуваат многу мали покрај џиновските тикви.

- Тиквка од тон завиткани во ќебиња, под грејачи во стаклена градина

Марио Ванџил, кој оваа година ја одгледа најголемата тиква во градот во изјавата за Агенција Анадолија (АА) рече: „Се наоѓаме во Кастерле. Ова е мал град. Ова е град со тикви.“

Ванџил рече дека очекува тиквата од неговата стаклена градина со димензии од околу 6 метри во обем и моментална тежина од 1.040 килограми да го собори светскиот рекорд.

Истакнувајќи дека досегашниот рекордот му припаѓа на одгледувач од Италија со тиква од 1.226 килограми, Ванџил рече:

„По натпреварот, ќе ги исечеме тиквите, ќе ги земеме семето, а остатокот ќе го фрлиме. Семето ќе го дадеме на нашиот клуб. Веќе 30 години имаме клуб за тикви во кој членуваат 50 лица. Семето ќе оди во различни земји на светот, како Шпанија, САД. Семето на мојата тиква доаѓа од Шпанија. Оваа тиква не се јаде. Таа е само за прикажување.“

Наведувајќи дека тајната на растот на тиквата е топлината, Ванџил објасни дека поради таа причина, тиквата се покрива со ќебиња и дополнително се грее со грејачи поставени во горниот дел и странично, со што се овозможува одржување на топлината и во ноќните часови.

Ванџил истакнувајќи дека на тиквата и треба малку вода, низ насмевка изјави: „Ако бара многу вода за нас одгледувачите тоа би било лошо, нели?“

Наведувајќи дека го освоил Европското првенство со тиква од 1.013 килограми во 2019 година, Ванџил истакна дека е повторно амбициозен за Европското првенство што ќе се одржи во германскиот град Лудвигсбург на 9 октомври.

Најголемиот фестивал на тиква во светот се одржува секоја година во Лудвигсбург. На овој фестивал се изложени се повеќе од 450.000 тикви од 800 различни видови, а целиот настан е пропратен со голем број забавни активности.