Белата куќа: Се работи на планот за вториот состанок на Трамп и Ким

ВАШИНГТОН (АА) - Портпаролката на Белата куќа, Сара Сандерс, потврди дека се работи на организацијата на вториот состанок помеѓу американскиот претседател, Доналд Трамп, и севернокорејскиот лидер, Ким Џонг Ун, јавува Anadolu Agency (AA).

Сандерс на прес-конференција потврди дека Трамп добил писмо од севернокорејскиот претседател Ким, и дека писмото е позитивно.

Таа додаде дека доколку Ким во писмото не бил согласен за нова средба, тогаш Белата куќа нема да објавила детали од писмото упатено до Трамп.

„Целта на ова писмо првенствено е да се договори нов состанок со претседателот Трамп“, порача Сандерс.

Таа истакна и дека Трамп смета дека Северна Кореја остварила многу значаен успех, и дека последното писмо упатено до Трамп е уште еден од доказите за јакнење на односите.

Трамп и Ким се сретнаа на 12 јуни оваа година во Сингапур, кога го потпишаа и историскиот договор кој предвидува отстранување на нуклеарното оружје од Корејскиот Полуостров.