свет

Алихан Смаилов избран за нов премиер на Казахстан

Претседателот на Казахстан Касим Џомерт Токаев на пленарната седница на Собранието на Казахстан ја претстави кандидатурата на Алихан Смаилов за премиерската функција.

Meiramgul Kussainova  | 11.01.2022 - Обновена : 11.01.2022
Алихан Смаилов избран за нов премиер на Казахстан Фото: Канцеларија на премерот на Казахстан

НУР СУЛТАН

Алихан Смаилов стана нов премиер на Казахстан, пренесува Агенција Анадолија (АА).

Претседателот на Казахстан Касим Џомерт Токаев на пленарната седница на Собранието на Казахстан ја претстави кандидатурата на Алихан Смаилов за премиерската функција.

Смаилов беше изгласан од сите пратеници на политичките партии, со што стана 12-ти претседател на Владата на земјата.

Алихан Смаилов (50), беше прв вицепремиер во претходната влада. Функцијата привремен претседател на владата ја презеде на 5 јануари, кога владата предводена од поранешниот премиер Аскар Мамин поднесе оставка по протестите против поскапувањата на течниот нафтен гас (ТНГ) во земјата.

Во своето прво обраќање како премиер по гласањето, Смаилов му се заблагодари на претседателот Токаев и пратениците што му ја дадоа довербата во едно вакво време.

Наведувајќи дека негова примарна должност е да обезбеди макроекономска стабилност и да ја намали инфлацијата во земјата, Смаилов рече: „Сите законски барања на граѓаните ќе бидат евидентирани и имплементирани.“

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.