„Терористичката организација ПКК е извор на сите проблеми во регионот“

ЕРБИЛ (АА) - Министерот за внатрешни работи на Регионалната влада на ирачките Курди (РВИК), Ребер Ахмед, изјави дека терористичката организација ПКК е извор на сите проблеми во регионот и додаде: „(Терористичката организација ПКК) мора да ја напушти територијата на регионот Курдистан“, известува Анадолу.

Во изјавата за медиумите министерот Ахмед зборуваше на темата за ставање крај на присуството на терористичката организација ПКК во регионот.

Истакнувајќи дека присуството на терористичката организација ПКК во регионот е нелегално, Ахмед рече: „Со задоволство ќе кажам дека ирачката Влада неодамна одлучи дека ПКК е забранета организација. ПКК мора да ги напушти тие подрачја за луѓето од регионот и селаните од тие места да не се соочуваат со проблеми и страдања.“

Министерот Ахмед нагласи дека терористичката организација ПКК е извор на сите проблеми во регионот и додаде: „(Терористичката организација ПКК) мора да ја напушти територијата на регионот Курдистан.“

Портпаролот на ирачкото Министерство за внатрешни работи, Микдад Мири ал-Мусеви, во изјавата на 1 јули рече дека сторителите на неодамнешните пожари во Киркук, Ербил и Духок се членови на терористичката организација ПКК.

Мусави истакна дека фатените лица признале дека планирале да подметнат пожари и во други подрачја.