Најмалку 56 загинати во катастрофите предизвикани од поројните дождови во Шри Ланка

КОЛОМБО (АА) - Бројот на жртви од свлечишта и поплави предизвикани од поројните дождови во Шри Ланка се зголеми на 56, известува Анадолу.

Катастрофите, кои започнаа минатата недела и се интензивираа вчера, предизвикаа човечки жртви и оштетување на имоти.

Според соопштението од Центарот за управување со катастрофи во Шри Ланка, бројот на жртви во катастрофите се зголемил на 56, а 21 лице се водат како исчезнати.

Под вода се повеќе од 600 домови, обработливо земјиште и патишта во земјата.

Владата објави затворање на сите владини канцеларии и училишта.

Властите објавија дека некои железнички услуги се запрени во планинските региони поради паѓање камења и дрвја на шините, а некои линии се поплавени од надојдените води.