ИСТАНБУЛ (АА) - Мисијата на ОН во Кабул денес го поздрави договорот за прекин на огнот меѓу Авганистан и Пакистан, се вели во официјалното соопштение, јавува Анадолу.

Авганистан и Пакистан денес се согласија на 48-часовен прекин на огнот по обновените гранични судири меѓу двете страни од вторник навечер.

Мисијата на ОН за помош во Авганистан (УНАМА) ги повика сите страни „да стават траен прекин на непријателствата за да ги заштитат цивилите и да спречат натамошни загуби на животи и сите страни ги потсетува на нивните обврски според меѓународното право да се придржуваат кон клучните принципи на пропорционалност и претпазливост за да се спречат цивилни жртви“.

Во него се наведува дека во последните судири се убиени најмалку 18 цивили, а десетици се повредени на авганистанска страна.

Во текот на изминатата недела соседните земји беа сведоци на некои од нивните најсмртоносни судири од 2021 година, кога авганистанските талибанци се вратија на власт во Кабул.

Најновите тензии започнаа минатата недела кога Кабул го обвини Исламабад за нарушување на авганистанскиот воздушен простор, а тоа доведе до судири во саботата навечер, кои завршија со посредништво на Катар и Саудиска Арабија.