РАБАТ/ИСТАНБУЛ (АА) - Бројот на жртви во буичните поплави во западниот марокански град Сафи се искачи на 21, објавија мароканските власти, јавува Анадолу.

Во соопштението од доцна синоќа губернијата Сафи истакна дека 21 лице го загубило животот поради „исклучителните грмежи што го погодија градот во неделата вечер, предизвикувајќи масовни поплави за краток временски период“.

Операциите за пребарување и спасување се во тек, а преземени се и неопходни мерки за обезбедување на погодените области и давање поддршка за жителите, се додава.

Вчера државната новинска агенција на Мароко, повикувајќи се на локални официјални претставници, објави дека исклучително обилните дождови за краток период - околу еден час - предизвикале моќни поплави што ги поплавиле домовите и деловните објекти низ делови од градот. Поплавите настанаа по интензивните грмежи.

Официјалните лица изјавија дека уште 20 лица се повредени и се наоѓаат во државната болница „Мухамед V“ во Сафи.