Emel Öz Gözellik
24 Мај 2019•Ажурирај: 27 Мај 2019
АНКАРА (АА) - Американскиот произведувач на ракети и спејс-шатли, „SpaceX“, со ракетата „Falcon 9“ лансираше 60 интернет-сателити во вселената, пренесува Anadolu Agency (AA).
„SpaceX“ преку Твитер соопшти дека од космодромот „Кејп Канаверал“ во американската сојузна држава Флорида, успешно биле лансирани 60 сателити за проектот „Starlink“, којшто овозможува поврзување на интернет преку сателит.
Основачот и главен извршен директор на „SpaceX“, Илон Маск, претходно истакна дека преку сателитите што ќе бидат лансирани во рамки на проектот „Starlink“, има за цел да овозможи пристап до интернет од секое место во светот.
„SpaceX“ планира да лансира вкупно 12.000 интернет-сателити во рамки на проектот „Starlink“, кој се очекува да заврши во 2027 година.
