Бомбашки напад врз конвој на НАТО војници во Кабул, 8 загинати

КАБУЛ (АА) - Во Кабул, главниот град на Авганистан, извршен е самоубиствен напад со возило-бомба врз конвој на НАТО. Во нападот загинаа 8 лица, јавува Anadolu Agency (AA).

Портпаролот на Министерството за внатрешни работи, Наџиб Даниш, за АА изјави дека напаѓач со возило-бомба го активирал експлозивот во близина на амбасадата на САД, откако се доближил до конвојот што превезувал американски војници.

Даниш соопшти дека во нападот животот го загубиле 8 лица, додека 25 лица се ранети.

Портпаролот истакна дека едно возило од конвојот е делумно уништено, а меѓу американските војници нема загуби.

Засега никој не ја презеде одговорноста за нападот.