Меѓународен натпревар во скулптури од мраз на Високи Татри, Словачка

ХРЕБЕНОК (АА) – На планинскиот врв Хребенок на планинскиот венец Високи Татри се одржува еден од најпрестижните меѓународни настани за уметност во мраз - „Tatry Ice Master 2025“, јавува Анадолу.

На годинашниот шампионат се натпреваруваат скулптори од 10 земји, меѓу кои Словачка, Чешка, Австрија и Обединетото Кралство.

Овој уникатен настан им нуди можност на учесниците да ги покажат својата креативност и умешност во изработката на неверојатни скулптури од мраз.

Скулпторите работат со големи блокови мраз, претворајќи ги во ремек-дела инспирирани од културни, природни и митолошки теми.

Посетителите имаат можност да уживаат во уникатните уметнички дела, а спектакуларниот планински амбиент и зимската магија на Високи Татри се дополнение на искуството.