Над 600.000 лица во Бразил починаа од последици предизвикани од Ковид-19

БУЕНОС АИРЕС

Над 600.000 луѓе ги загубија животите во Бразил поради епидемијата на новиот тип коронавирус (Ковид-19), известува Агенција Анадолија (АА).

Според податоците на бразилското Министерство за здравство, во последните 24 часа се регистрирани 615 смртни случаи, со што вкупниот број починати од Ковид-19 во земјата се искачи на 600.425.

Во последното деноноќие детектирани се 18.172 случаи на зараза со коронавирус, зголемувајќи ја вкупната бројка лица позитивни на коронавирусот на 21.550.730, додека досега оздравеа 20.665.273 лица кај кои претходно бил детектиран Ковид-19.

Јужноамериканската земја Бразил, со популација од над 210 милиони, се издвојува како втора земја во светот според бројката на починати од Ковид-19, по САД.