Руската рубља ја губи вредноста додека украинската војска продолжува со нападот врз Курск

МОСКВА (АА) - По нападот во областа Курск што го започна украинската војска, кој трае седум дена, курсот долар/рубља денеска порасна над нивото од 90, јавува Анадолу.

На првиот ден од неделата, рубљата загуби околу 4,1 отсто од својата вредност во однос на доларот, додека паритетот долар/рубља се искачи на 90,5.

Судирите меѓу двете војски, што започнаа по навлегувањето на украинската војска на руската територија, односно во областа Курск на 6 август, траат веќе седум дена.

Ситуацијата во Курск е подигната на ниво на „федерална вонредна состојба“, а во регионите Курск, Белгород и Брјанск прогласена е противтерористичка ситуација.

Евгениј Балицки, таканаречениот регионален гувернер на Запорожје, анектирано од Русија, во својата вчерашна пишана изјава наведе дека поради нападите на украинската војска избувнал пожар во системот за ладење на нуклеарната централа Запорожје.

Руските власти објавија дека пожарот е ставен под контрола и дека нема опасност од радијација.

Украинскиот претседател Владимир Зеленски рече дека пожарот во електраната го предизвикала Русија.