Gökhan Ergöçün
23 Мај 2023•Ажурирај: 24 Мај 2023
ДОХА (АА) - Катарскиот економски форум, поддржан од Блумберг, започна денес во Доха на тема „Нова приказна за глобален раст“, јавува Анадолу.
На настанот ќе се дискутира за теми како енергетиката, трговијата и технологијата со учесници на високо ниво, шефови на држави и влади, министри и извршни директори.
На церемонијата за отворање, Мајкл Р. Блумберг, основач на „Bloomberg LP“ и „Bloomberg Philanthropies“, рече дека иноваторите и лидерите од 100 земји ќе се соберат на годишниот форум.
„Ќе ја разгледаме глобалната политика и глобалната трговија од перспектива на земјите кои ги препишуваат правилата“, рече тој.
„Учесниците се собираат за дијалог, за да предложат решенија и да ги засилат гласовите на глобалните лидери кои размислуваат напред“, додаде тој.
Меѓу учесниците на форумот се парагвајскиот претседател, Марио Абдо Бенитез, претседателот од Гана, Нана Адо Данква Акуфо-Адо, премиерот и министер за надворешни работи на Катар, шеик Мухамед бин Абдулрахман бин Јасим ал-Тани, грузискиот премиер, Иракли Гарибашвили, претседателот на Руанда, Пол Кагаме, и унгарскиот премиер, Виктор Орбан.
