Силен земјотрес од 5,9 степени регистриран во Јадранското Море

САРАЕВО (АА) - Силен земјотрес со јачина од 5,9 степени по Рихтер е регистриран попладнево во Јадранското Море, јавува Агенција Анадолија (АА).

Земјотресот се случил во 13:47 часот, со епицентар во Јадранското Море, се наведува на веб-страницата на Евромедитеранскиот сеизмолошки центар (EMSC).

Наведено е и дека земјотресот е регистриран на длабочина од 60 километри, на 120 километри јужно од Сплит и 68 километри северозападно од италијанскиот град Виесте.