Од последици од коронавирусот почина пејачот и актер Зафир Хаџиманов

Хаџиманов играше во многу филмови, настапи во многу театри и имаше пејачка кариера, а на фестивалот во Опатија во 1965 година го освои првото место со песната „Зошто доаѓаш само со дожд“ и четири години подоцна го изведе познатиот евергрин „Беше мај“

БЕЛГРАД (АА) - Филмскиот актер, пејач и композитор Зафир Хаџиманов (78) почина од последици предизвикани од коронавирусот, јавува Агенција Анадолија (АА).

Веста за неговата смрт ја пренесе Радио-телевизија Србија.

Хаџиманов е роден во 1943 година во Кавадарци, Северна Македонија. Дипломирал на Факултетот за драмски уметности во Белград во 1967 година.

Играше во многу филмови, настапи во многу театри и имаше пејачка кариера, а на фестивалот во Опатија во 1965 година го освои првото место со песната „Зошто доаѓаш само со дожд“ и четири години подоцна го изведе познатиот евергрин „Беше мај“.

Како пејач настапуваше и во странство, особено во Советскиот Сојуз.

Беше оженет со пејачката и актерка Сенка Велетанлиќ, со која го има синот Васил Хаџиманов, познат џез музичар.