Османи: „Изборите се демократски процес каде што донесувањето одлуки им се враќа на граѓаните“

ПРИШТИНА (АА) – Претседателката на Косово, Вјоса Османи, го оствари своето право на глас на денешните вонредни парламентарни избори, јавува Анадолу.

Османи, која чекаше во ред за да гласа на избирачкото место, во својата изјава по процесот на гласање, ги повика граѓаните да го остварат своето право на глас.

Таа посака мирни, уредни и демократски избори, со најголемо можно учество на граѓаните.

„Како и секогаш, изборите се важен демократски процес каде што донесувањето одлуки се враќа кај нашите граѓани. И, секако, се надевам дека резултатите од овие избори ќе резултираат со што е можно поскоро формирање на Собранието и Владата на Косово, кои се неопходни за важни внатрешни и меѓународни процеси за нашата Република“, рече Османи.

Таа им се заблагодари на сите институции за нивната посветеност да обезбедат изборниот процес да биде уреден.

За време на гласањето, претседателката Османи ја придружуваше нејзиниот сопруг.