ИСТАНБУЛ (АА) - Турскиот претседател Реџеп Таип Ердоган денес изјави дека тероризмот на израелскиот премиер Бенјамин Нетанјаху продолжува да претставува закана и за регионалниот и за глобалниот мир, јавува Анадолу.

„Тероризмот на Нетанјаху продолжува да го загрозува регионалниот и глобалниот мир, а нападите од Иран дополнително ја продлабочија нестабилноста во нашиот регион“, рече Ердоган.

Турција ги мобилизира „сите свои средства“ за да го врати мирот, стабилноста и да го оживее дијалогот и дипломатијата, додаде турскиот претседател.

Ердоган, исто така, ја изрази својата солидарност со луѓето од земјите што го поминуваат Бајрам во тага и болка, особено со народот од Газа.

„Верувам дека многу брзо ќе го надминеме овој тежок период во нашиот регион со меѓусебна поддршка, со надеж, трпение и издржливост“, рече Ердоган.

„Како исламски свет, повторно се обидуваме да надминеме пат исполнет со пречки, стапици, шеми и замки“, нагласи тој.

Осврнувајќи се на другите регионални судири, Ердоган рече дека напорите на Турција помогнаа да се постигне пауза во судирите меѓу Пакистан и Авганистан за празникот Бајрам, надевајќи се дека примирјето ќе стане трајно.