ЕРУСАЛИМ (АА) - Најмалку 17 Израелци се повредени во Бершеба, јужен Израел, од шрапнели од ракета лансирана од Иран, објавија израелските медиуми, пренесува Анадолу.

Израелскиот „Канал 12“ објави дека во нападот има повредени лица со полесни до средни повреди.

Израелската служба за итна помош МДА соопшти дека нејзините тимови им укажуваат прва помош на 15 лица повредени од шрапнели од ракета.

Сирените се огласиле во Бершеба и околните области, а пријавено е и паѓање на остатоци од ракети, објавува јавниот радиодифузер КАН.

Според израелскиот Институт за национални безбедносни студии, 12 лица загинаа, а 834 се повредени во иранските напади во Израел од саботата, од кои мнозинството се со полесни повреди.

Во заедничката американско-израелска воена кампања започната против Иран во саботата убиени се неколку високи ирански функционери, меѓу кои и врховниот лидер, ајатолахот Али Хаменеи.

Како одговор на тоа, Техеран возврати со напади со беспилотни летала и ракети насочени кон Израел, американски цели и земји од Заливот.