ИСТАНБУЛ (АА) - Над 8.400 луѓе се погодени од двата силни земјотреси што го погодија јужниот регион на Филипините во петокот со разлика од неколку часа, според прелиминарниот извештај за состојбата објавен денес, јавува Анадолу

Превентивни евакуации беа спроведени за 1.265 жители, додека 7.915 лица се моментално раселени, според извештајот на Националниот совет за управување со намалување на ризиците од катастрофи, пренесен од „Inquirer“.

Пријавени за загинати се најмалку осум лица.

Втор силен земјотрес со магнитуда од 6,7 степени ги погоди Филипините во јужниот регион Минданао само неколку часа откако земјотрес со магнитуда од 7,4 степени ја погоди истата локација, предизвикувајќи предупредување за цунами, кое подоцна беше откажано, и евакуација на крајбрежјето.

Иако нема целосна проценка на штетата врз инфраструктурата и земјоделството, вкупно 33 куќи се оштетени поради потресите.

До утрово регистрирани се вкупно 792 последователни потреси.