СКОПЈЕ (АА) - Демонстранти денес се собраа во близина на Амбасадата на САД во Манила, главниот град на Филипините, за да протестираат против израелската офанзива во Газа и поддршката на Соединетите Американски Држави за тие операции, јавува Анадолу.

Демонстрантите носеа палестински знамиња, транспаренти и плакати, извикувајќи слогани во знак на солидарност со Палестина.

Израелската војска од октомври 2023 година уби над 67.100 Палестинци, повеќето од нив жени и деца, во Газа.

Немилосрдното бомбардирање ја направи енклавата речиси непогодна за живеење и доведе до масовно раселување, глад и ширење на болести.

Делегациите на Израел и Хамас вчера започнаа индиректни преговори во Шарм ел Шеик, Египет, за планот од 20 точки на американскиот претседател Доналд Трамп, кој предвидува ослободување на израелските заробеници во рок од 72 часа од одобрувањето од страна на Израел, прекин на огнот и разоружување на Хамас.