ОСТРОВ ХОРСШУ (АА) - ШЕБНЕМ ЏОШКУН - Турски и бугарски геолози, кои се дел од десеттата турска национална научна експедиција на Антарктикот, започнаа заедничка истражувачка иницијатива за откривање на геолошката историја на Антарктикот и процена на нејзините импликации врз идните климатски промени, пишува Анадолу.

Експедицијата е предводена од Центарот за научни и технолошки истражувања на Турција (Тубитак) при Институтот за поларни истражувања Мармара, под покровителство на Министерството за индустрија и технологија и Претседателството на Турција.

Истражувачите ја истражуваат „геолошката меморија” на Антарктикот, со цел да разберат како континентот од копнена маса со умерени временски услови се трансформирал во замрзната средина низ период од милиони години.

Ѓоксу Услулар, заменик-раководител на експедицијата, работи со Стојан Георгиев, вонреден професор при Бугарскиот антарктички институт, на теренски геолошки истражувања на островот Хорсшу, каде што е лоциран и турскиот камп за истражување на Антарктикот.

Услулар за Анадолу изјави дека заедничките напори се фокусирани на мапирање на историјата магмата на островот, за која рече дека значително ќе помогне во разбирањето на геолошката еволуција на Антарктикот и долгорочните ефекти од климатските промени.

„На островот Хорсшу, кој се наоѓа во Западен Антарктик,има камења од различни магматски фази што ги носат трагите на оваа долга геолошка еволуција”, рече таа.

„На островот особено се застапени магматски карпи од периодот јура-креда, а дополнително, во овој регион се среќава и перничеста лава, агломерати и различни вулкански единици формирани во подморски или плитки морски средини“, истакна тој.

Услулар посочи дека овие карпести формации нудат важни палеоклиматски докази и им помагаат на експертите да го разберат процесот на глацијација од големи размери, кој започнал пред околу 34 милиони години.

Георгиев за Анадолу изјави дека се вклучил во турскиот тим истражувачи за да ги проучи начините на минерализација на овој остров, додавајќи дека неговата теренска работа идентификувала значајни габриво што содржат минерализација на бакар.

„Најистакнатите структури видливи на теренот се тенки жили од зелени минерали на малахит и зелен азурит – тие се развиле како оксидациони продукти на бакарните минерали“, рече тој, истакнувајќи дека тие претставуваат плиток епитермален систем што е уникатен за оваа област.

„Минерализацијата е поврзана со обемна магматска историја што се протега од периодот јура, пред околу 176 милиони години, до периодот креда, пред околу 76 милиони години.“

Георгиев истакна дека овие сложени формации се развиле преку зони на субдукција и тектонски процеси на повлекување на плочите во текот на долги геолошки временски периоди, додавајќи дека различните магматски фази забележани на островот сугерираат на специфични металогени карактеристики што во голема мера остануваат неистражени.

Се очекува откритијата да придонесат за разбирање на долгорочните климатски промени преку реконструкција на минатите еколошки услови.

Се очекува примероците собрани за време на експедицијата да поминат низ детална анализа преку меѓународна соработка, со цел да се прецизира геолошката временска рамка на регионот.