ИСТАНБУЛ (АА) - Турско-сирискиот бизнис форум, поврзан со секторот за градежништво и градежни материјали, се одржа во петокот во Алепо, Сирија, објави сириската државна телевизија Ал-Ихбарија, известува Анадолу.

Делегации на бизнисмени од двете земји учествуваа на форумот што го организираше Здружението на независни индустријалци и бизнисмени на Турција (МУСИАД).

Форумот беше организиран со цел зајакнување на комуникацијата меѓу турските и сириските компании преку состаноци и сесии, како и разговори за можностите за инвестирање и соработката во проектите за реконструкција.

Тој се одржа во рамките на договорите за соработка што опфаќаат различни сектори меѓу сириската и турската влада.

Новата сириска администрација се обидува да ги обнови односите со меѓународната заедница.

Претходно, на почетокот на декември бизнис форум Турција-Сирија се одржа во Истанбул.