ИСТАНБУЛ (АА) - Турскиот претседател Реџеп Таип Ердоган и пакистанскиот премиер Шахбаз Шариф денес разговараа за билатералните односи, регионалните и глобалните прашања на маргините на Меѓународниот форум за мир и доверба во главниот град на Туркменистан, Ашхабат, јавува Анадолу.

Тој рече дека Анкара работи на зајакнување на „добрите односи“ со Исламабад и дека Турција ќе вложи напори за зголемување на соработката меѓу двете земји во различни области, како што се енергетиката, трговијата и инвестициите, според Директоратот за комуникации на Турција.

Изразувајќи благодарност за продолжувањето на прекинот на огнот меѓу Пакистан и Авганистан, Ердоган ја истакна подготвеноста на Анкара да придонесе кон механизмот воспоставен за да се одржи состојба без конфликт.

Форумот во Ашхабад се одржува по повод 30-годишнината од статусот на трајна неутралност на Туркменистан и прогласувањето на 2025 година од страна на Генералното собрание на ОН за Меѓународна година на мирот и довербата.