مانگی سووری توركی به‌ربانگكردنه‌وه‌ بۆ 150 نه‌خۆش و كه‌مده‌رامه‌ت رێكده‌خات

هه‌ولێر - AA

مانگی سووری توركی به‌رده‌وامه‌ له‌ هاوكاریكردنی كه‌م ده‌رامه‌ته‌كان و نه‌خۆشان و ئه‌و كه‌س و خێزانانه‌ی پێویستییان به‌هاوكاری هه‌یه‌.

به‌رپرسی مانگی سووری توركی له‌ عێراق موراد بیلگیلی له‌ لێدوانێكدا بۆ ئاژانسی ئانادۆڵو له‌و به‌ربانگ كردنه‌وه‌یه‌دا كه‌ له‌ هه‌ولێر به‌ڕێوه‌چوو رایگه‌یاند "ئێمه‌ وه‌كو مانگی سووری توركی ئه‌مڕۆ سێهه‌م خوانمان ئاماده‌كرد كه‌ له‌م مانگه‌دا له‌ مانگی ره‌مه‌زان كه‌ رێكیده‌خه‌ین، به‌رنامه‌ی خوان و به‌ربانگكردنه‌وه‌كه‌ به‌هاوكاری له‌گه‌ڵ بانكی ئه‌لبه‌ره‌كه‌ تورك سازكراوه‌".

هه‌روه‌ها گوتیشی "ئه‌و به‌ربانگكردنه‌وه‌ و خوان ئاماده‌كردنه‌ بۆ كه‌م ئه‌ندامان و نه‌خۆشان ئه‌وانه‌ی به‌تایبه‌ت نه‌خۆشی درێژ خایه‌نییان هه‌یه‌، نزیكه‌ی 150 كه‌س له‌م به‌ربانگكردنه‌وه‌یه‌دا ئاماده‌بوون".

ئه‌وه‌شی روونكرده‌وه‌ كه‌ به‌هاوكاریی خێرخوازان ئه‌و به‌رنامانه‌ درێژه‌ پێده‌ده‌ن و سوپاسی ئه‌وانشی كرد كه‌ هه‌ماهه‌نگییان باشه‌ له‌گه‌ڵیاندا بۆ جێبه‌جێكردنی پلانه‌كانییان.

بیلگیلی گوتیشی "تا كۆتایی ره‌مه‌زان هاوكاری و یارمه‌تییه‌كانمان له‌ ئاماده‌كردنی به‌ربانگ و دابه‌شكردنی خۆراك و جلوبه‌رگی جه‌ژن به‌رده‌وام ده‌بێت، ئه‌وه‌ جگه‌ له‌وه‌ی هه‌موو رۆژێك به‌رنامه‌مان هه‌یه‌ جلوبه‌رگ به‌سه‌ر 15 خێزانی كه‌مده‌رامه‌ت دابه‌ش ده‌كه‌ین".