لە پاریزگای ئاگری منداڵێک خنکا کە هەوڵی دەدا ئاژەڵەکانی لە رووباردا بپەڕێنێتەوە

ئاگری - AA

لە قەزای دیادین سەر بە پارێزگای ئاگری منداڵێکی بە رەگەز ئێرانی لەو کاتەی هەوڵی دەدا ئاژەڵەکانی لە رووباری موراد بپەڕێنێتەوە کەوتە ناو ئاوەوە و خنکا.

ئەرسەلان د. (١٢ ساڵان)، لەو کاتەی هەوڵی دەدا ئاژەڵەکانی لەو ناوچەی کە دەلەوەڕان بپەڕێنێتەوە بۆ ئەودیوی رووباری موراد، هاوسەنگیی لەدەست دا و کەوتە ناو رووبارەکەوە.

ئەو کەسانەی تێبینی ونبوونی منداڵەکەیان کردووە پەیوەندییان بە ناوەندی فریاگوزاری خێرای ١١٢ کردووە و دەستبەجێ تیمە پەیوەندیدارەکان رەوانەی ناوچەکە کراون.

تەرمی منداڵەکە لەلایەن تیمەکانی گەڕان و رزگارکردنی ژێرئاوی بەڕێوەبەرایەتیی پۆلیسی وان دۆزرایەوە و دواتر بە مەبەستی ئەنجامدانی توێکاری بە ئامبولانس گواسترایەوە بۆ مردووخانەی نەخۆشخانەی فێرکاریی ئاگری.