توركیا.. له ئه‌دیرنه و كركلاره‌لی به‌فر ده‌بارێت
شه‌پۆلێكی به‌فر بارین پارێزگاكانی ئه‌دیرنه و كركلاره‌لی باکووری خۆرئاوای توركیا گرتووه‌ته‌وه.
Edirne
ئه‌دیرنه/كركلاره‌لی - AA
شه‌پۆلێكی به‌فر بارین پارێزگاكانی ئه‌دیرنه و كركلاره‌لی باکووری خۆرئاوای توركیا گرتووه‌ته‌وه.
پارێزگای ئه‌دیرنه كه‌وتووه‌ته ژێر كاریگه‌ریی ئه‌و شه‌پۆله سه‌رمایه‌ی كه له وڵاتانی به‌ڵقانه‌وه هاتووه و به‌وهۆیه‌وه پله‌ی گه‌رمی له پارێزگاكه بۆ سێ پله ژێر سفر دابه‌زیوه.
به‌فر له ناوه‌ندی شاری ئه‌دیرنه ناوه ناوه ده‌بارێت و تا به‌ره‌و سنووری بولگاریا بچیت كاریگه‌رییه‌كه‌ی زیاتر ده‌بێت.
هاوكات له نزیك ده‌روازه‌ی سنووریی حه‌مزه‌به‌یلی به‌فر ناوچه‌كه‌ی سپیپۆش كردووه.
چاوه‌ڕوان ده‌كرێت شه‌پۆلی به‌فر بارین سبه‌ینێش له پارێزگاكه درێژه‌ی هه‌بێت.
له‌لایه‌كی دیكه‌وه له ناوچه سنوورییه‌كانی كركلاره‌لی به چڕی به‌فر ده‌بارێت.
له ماوه‌یه‌كی كه‌مدا له شارۆچكه‌ی ده‌میركۆی سه‌ر به پارێزگاكه ئاستی به‌فر تا پێنج سانتیمه‌تر به‌رز بوویه‌وه. به‌وهۆیه‌شه‌وه ژماره‌یه‌ك له شۆفێران تووشی ئاسته‌نگ بوونه‌وه و هه‌ندێیان ئۆتۆمبیله‌كانیان له‌سه‌ر شه‌قامه‌كان جێهێشت.
پێشبینی ده‌كرێت كاریگه‌رییه‌كانی به‌فربارین تا دێت زیاتر بن ئه‌مشه‌و له كركلاره‌لی و له ئێستادا پله‌ی گه‌رمی بۆ دوو پله‌ی ژێر سفر دابه‌زیوه.
بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
