به‌فر و سه‌رماوسۆڵه‌ ئه‌مریكای گرتووه‌ته‌وه‌

نزیکەی ٤٠٠ گەشتی فڕۆکەخانەی شیکاگۆ بەھۆی سەرماوسۆڵە و گەردەلوولی بەفرەوە ھەڵوەشێنرایەوە.

لە ئێوارەی شەممەوە تا ئێستا شەپۆلێکی سەرماوسۆڵە و بەفر ویلایەتەکانی ئیلینۆی، ئایۆوا، میشیگن، داکۆتای باشوور و ویسکەسنی ویلایەتە یەکگرتووەکانی ئەمریکای گرتووەتەوە و کاریگەریی خراپی کردووەتە سەر ژیانی خەڵکی.

شاری شیکاگۆ یەکێکە لەو گەورەشارانەی کە بەفر و سەرماوسۆڵە کاریگەریی خراپی کردووەتەسەر و بە بەرزیی ٣٠ سانتیمەتر بەفری لێباریوە.

بەرپرسانی شارەکە دانیشتوانیان لە مەترسییەکانی کەشوھەواکە ئاگادارکردووەتەوە و رێوشوێنیان گرتووەتەبەر. بەفرەکە کاریگەریی لە ھاتوچۆی ناوشاریش کردووە و چاوەڕوان دەکرێت ئەمڕۆیش بەردەوامبێت.