به‌فر چوار پارێزگای رۆژهه‌ڵاتی ئانادۆڵوی سپی پۆش كردووه

ئه‌رزه‌ڕۆم – AA

به‌هۆی بارینی به‌فره‌وه‌‌، شاره‌كانی ئه‌رزه‌ڕۆم، قه‌رس، ئه‌رده‌خان و دێرسم سپییان پۆشیووه‌.

شه‌پۆلی ئه‌و به‌فربارینه‌ی ئه‌م چوار شاره‌ی گرته‌وه‌، كاریگه‌ری نه‌رێنی كردووه‌ته‌ سه‌ر ژیانی هاووڵاتییان و تیمه‌ په‌یوه‌ندیداره‌كانی شاره‌وانی و هاووڵاتییان خۆیان ده‌ستیان كردووه‌ به‌ راماڵینی به‌فر له‌ پێش ماڵ و شوێنكاره‌كانیان.

له‌لایه‌كی دیكه‌وه‌ سپی پۆشینی ئه‌م شارانه‌ و كه‌ڵه‌كه‌بوونی به‌فر له‌سه‌ر دره‌خته‌كان و دروستبوونی شه‌خته‌ به‌ سوێبانی ژماره‌یه‌ك ته‌لار له‌ شارۆچكه‌ی ساریقامیش له‌ پارێزگای قه‌رس دیمه‌نێكی جوانییان به‌خشیووه‌.

تیمه‌كانی رێگاوبانیش به‌رده‌وامن له‌ كردنه‌وه‌ی رێگاكان به‌ رووی هاتوچۆدا و تواندنه‌وه‌ی زوقمی به‌ستووی سه‌ر شه‌قامه‌كان.