میسی گۆڵی ژمارە ٥٠ی لەگەڵ هەڵبژاردەکەی تۆمار کرد

گۆڵەکانی یارییەکەش لە خولەکی ٢٠ و ٣٠ لەلایەن یاریزانان گابرێل میرکادۆ و لیۆنەل میسی بە لێدانی سزا تۆمار کران.

بە تۆمارکردنی گۆڵێک لە یارییەکەدا، ئەستێرەی یانەی بەرشەلۆنە لیۆنەل میسی ژمارەی گۆڵەکانی گەیاندە ٥٠ گۆڵ لەگەڵ هەڵبژاردەی ئەرژەنتین و خۆی نزیک کردەوە لە شکاندنی ریکۆردی یاریزان گابرێل باتستوتا کە ٥٦ گۆڵی لەگەڵ هەڵبژاردەی تانگۆ تۆمار کردبوو.

ئەنجامی یارییەکانی دیکەی کیشوەری ئەمریکای باشوور بەم شێوەیە بوو:

کۆڵۆمبیا ٣ -١ ئیکوادۆر

ڤەنزویلا ١ -٤ چیلی

باراگوای ٢-٢ بەرازیل

بەتێپەڕبوونی ٦ یاری لە یارییەکانی پاڵاوتنی جامی جیهانی ٢٠١٨بۆ کیشوەری ئەمریکای باشوور هەڵبژاردەکانی ئۆڕۆگوای و ئیکوادۆر بە کۆکردنەوەی ١٣ خاڵ و بە جیاوازی گۆڵ لە پلەی یەکەم و دووەم دێن و دوای ئەمانیش هەڵبژاردەی ئەرژەنتین بە ١١ خاڵ لە پلەی سێیەم دێت.