لۆکھید مارتن تیمی چاککردنەوەی فڕۆکەکانی F-16ی لە عێراق کێشایەوە

ھەولێر ــ AA

کۆمپانیای لۆکھید مارتن-ی ئەمریکی تیمی چاککردنەوەی فڕۆکەکانی F-16 لەبەر ھۆکاری ئەمنی لە عێراق کێشایەوە.

لەمبارەیەوە بەرپرسی پەیوەندییەکان لە کۆمپانیای لۆکھید مارتن، جۆزێف لامارکا جۆنیۆر لە راگەیەنراوێکدا ئاماژەی بەوەداوە کە بە ھەماھەنگیی لەگەڵ ئیدارەی ئەمریکا و لەبەر پاراستنی گیانی کارمەندەکانیان، تیمی خۆیان تایبەت بە چاککردنەوەی فڕۆکەکانی F-16 لەبەر ھۆکاری ئەمنی لە عێراق کشاندووەتەوە.

جۆزێف لامارکا جۆنیۆر لە راگەیەنراوەکەدا، زانیاری زیاتری لەوبارەیەوە نەخستووەتەڕوو.

تیمی کۆمپانیای لۆکھید مارتن تایبەت بە چاککردنەوەی فڕۆکەکانی F-16 لە بنکەی ئاسمانیی بەلەد باشووری پارێزگای سەڵاحەددین باکووری عێراق، جێگیرکراون.

لە ماوەکانی رابردوودا، چەندین ھێرشی مووشەکی کراوەتە سەر بنکەی ئاسمانیی بەلەد.