باڵیۆزی تورکیا لە عێراق سەردانی قەڵای هەولێر و بازاڕی قەیسەری کرد

هەولێر -AA

ئەمڕۆ چوارشەممە، باڵیۆزی تورکیا لە عێراق ئانڵ بۆرا ئینان بەهاوکاری شاندێکی یاوەری سەردانی قەڵای هەولێر و بازاڕی قەیسەری و شوێنە کولتوورییەکانی بازاڕی هەولێری کرد کە
لە سەردانەکەدا پارێزگاری هەولێر و بەشێک لە بەرپرسانی شارەکە ئامادەیبوون.

هەریەک لە وەزیری کاروباری پێکهاتەکان ئایدن مەعروف و کۆنسوڵی تورکیا لە هەولێر ئەرمان تۆپچو و پارێزگاری هەولێر ئومێد خۆشناو یاوەری باڵیۆزی تورکیا لە عێراق بوون و لە نزیکەوە چەند شوێنێکی کولتوورییان بەسەر کردەوە.

لەبارەی ئامانجی سەردانەکەیدا، باڵیۆزی تورکیا لە عێراق ئاماژەی بەوەکرد کە بە مەبەستی پەرەپێدان بە پەیوەندییە کولتووری و ڕۆشنبیرییەکانمان، سەردانی شوێنە کولتوورییەکانمان کرد.

ئانڵ بۆرا ئینان لەمبارەیەوە بۆ ئاژانسی ئانادۆڵو گوتی: “جگە لە پەیوەندییە فەرمییەکانمان لە هەولێر، گرنگی بە شوێنە ڕۆشنبیری و مێژووییەکانیش دەدەین، لەگەڵ هاووڵاتییاندا بەشداری بۆنە کۆمەڵایەتی و کولتوورییەکان دەکەین”.