مەسرور بارزانی پیرۆزبای ساڵی نوێی کۆچی دەکات

هەولێر - AA

سەرۆکی حکوومەتی هەرێمی کوردستان، مەسرور بارزانی بەبۆنەی هاتنی سه‌ری ساڵی نوێی كۆچییەوە پیرۆزبایی له‌ موسڵمانانی هەرێمی كوردستان و جیهان کرد.

لە پەیامەکەی مەسرور بارزانی کە لە ماڵپەڕی فەرمی حکوومەتی هەرێمی کوردستان بڵاوکراوەتەوە، هاتووە "به‌بۆنه‌ی هاتنی سه‌ری ساڵی نوێی كۆچییەوە، پیرۆزبایی له‌ موسڵمانانی كوردستان و جیهان ده‌كه‌م".

سەرۆکی حکوومەتی هەرێمی کوردستان، راشیگەیاندووە "هیوادارم ساڵی نوێی کۆچی، ساڵی خێر و خۆشی و سەقامگیریی و کۆتاییهاتنی قەیران و نەهامەتییەکان بێت لە کوردستان و جیهاندا".

لە کۆتایی پەیامەکەی مەسرور بارزانی هاتووە "یادی پڕ شکۆی کۆچکردنی پێغەمبەری ئیسلام حەزرەتی محەمەد (دروودی خوای لەسەر بێت) لە گشت موسڵمانان پیرۆز بێت".