سەرۆکی حکوومەتی هەرێمی کوردستان پێشوازی لە باڵیۆزی ئەمەریکا لە عێراق کرد

ھەولێر - AA

سەرۆکی حکوومەتی ھەرێمی کوردستان، مەسرور بارزانی پێشوازیی لە باڵیۆزی ئەمەریکا لە عێراق، ماتیۆ تولەر کرد.

ماڵپەڕی فەرمی حکوومەتی ھەرێمی کوردستان بڵاویکردەوە، مەسرور بارزانی پێشوازیی لە باڵیۆزی ئەمەریکا لە عێراق، ماتیۆ تولەر کردووە.

لە راگەیەندراوەکەدا ئاماژە بەوە کراوە کە لەمیانی دیدارەکەدا، دوایین پێشھات و گۆڕانکارییەکانی عێراق و ناوچەکە تاوتوێ کرا و جەخت لە گرنگیی سەقامگیربوونی دۆخی عێراق کراوەتەوە.

ھەر لە چوارچێوەی کۆبوونەوەکەدا، جەخت لەسەر ھاتنەکایەی حکومەتێک کرایەوە کە چاکسازیی پێویست ئەنجام بدات و لە ئاست داخوازییەکانی خەڵکدا بێت و نوێنەرایەتی ھەموو پێکھاتە نەتەوەیی و ئاینییەکانی عێراق بکات و پەیوەندییەکی باشیش لەگەڵ ھەرێمی کوردستان ھەبێت و ھەروەھا لەسەر بنەمای بەرژەوەندیی ھاوبەش پەیوەندی ھاوسەنگی لەگەڵ ولاتانی دراوسێ و کۆمەڵگەی نێودەولەتیدا ھەبێت.

لە دیدارەکەدا ھەردوو لایەن پێداگیرییان لەسەر گرنگیی بەردەوامبوونی پشتیوانی ھاوپەیمانیی نێودەوڵەتی بۆ ھێزی پێشمەرگە و سوپای عیراق لە بەرەنگاربوونەوەی ھەڕەشەکانی داعش کرد.