دیداری بارزانی و عەلاوی

سەرۆكی هەرێمی كوردستان مەسعود بارزانی پێشوازی لە سەرۆكی ئیئتیلافی نیشتیمانیی عێراقی د. ئەیاد عەلاوی و شاندێكی یاوەری كرد.

بە پێی هەواڵێکی ماڵپەری سەرۆکایەتی هەرێمی کوردستان، لە دیدارەكەدا سەرۆكی ئیئتیلافی نیشتیمانیی عێراقی و شاندی یاوەری، سەرۆك بارزانیان لە بیروڕای خۆیان سەبارەت بە بارودۆخی عێراق و قەیرانی سیاسی و چۆنییەتی چارەسەركردنی قەیرانەكە ئاگادار كردەوە و هەروەها سەرۆك بارزانیش سیاسەتی هەرێمی كوردستانی لەمبارەیەوە بۆ شاندی میوان خستەڕوو.

هەر لەم كۆبوونەوەیەدا هەردوولا لەسەر ئەوە هاوڕا بوون كە پڕۆسەی سیاسی بە بێ پابەندبوونی لایەنەكان بە پڕەنسیپی شەراكەت ناچێتە پێش و قەیرانەكانیش چارەسەر ناكرێن.