حكوومه‌تی هه‌رێمی كوردستان: "هیچ بنكه‌یه‌كی ئیسرائیلی له‌هه‌ولێر نییه‌"

ھەولێر - AA

حکوومەتی ھەرێم بوونی سەربازگەیەکی ئیسرائیلی لەھەولێر رەتدەکاتەوە و دەڵێت پڕوپاگەندەی سیاسیی بێ بەھایە.

حکوومەتی ھەرێمی کوردستان رەتی کردەوە ھیچ بنکەیەکی سەربازیی سەر بە ئیسرائیل لە نزیک ھەولێر ھەبێت. لە راگەیەنراوێکدا کە لەسەر زاری گوتەبێژەکەیەوە جوتیار عادل بڵاوی کردووەتەوە، حکوومەتی ھەرێمی کوردستان روونکردنەوەی لەسەر دەنگۆی بوونی سەربازگەی ئیسرائیلی لەھەرێمی کوردستان رەتکردەوە.

ئەمەی خوارەوەش دەقی راگەیەنراوەکەی حکوومەتی ھەرێمی کوردستانە:

لە ھەندێ کەناڵی میدیایی عێراقی ئیدیعای ھەبوونی سەربازگەیەکی ئیسرائیلی لە ھەولێر کراوە کە گوایە ژەنەڕالێکی ژن بەڕێوەی دەبات.

حکومەتی ھەرێمی کوردستان سەرلەبەری ئەم ھەواڵە بێ بنەمایە رەتدەکاتەوە و پێمانوایە ئەمە تەنیا پروپاگەندەیەکی سیاسی بێ بەھایە و ئامانجی بەلاڕێدابردنی ڕاستییەکانە بۆ قازانج و دەستکەوتی شەخسی.

جوتیار عادل
گوتەبێژی حکومەتی ھەرێمی کوردستان

٣١ ئاب ٢٠١٩