ئاک پارتی و مەھەپە لەسەر ناوەڕۆکی دەستووری رێککەوتن

ئەنقەرە - AA
سەرۆکی گشتی پاک پارتی و سەرۆکوەزیرانی تورکیا، بینالی یڵدرم و سەرۆکی گشتی پارتی بزووتنەوەی نەتەوەیی تورکیا دەوڵەت باخچەلی لە کۆشکی چانقایا کۆبوونەوە.
کۆبوونەوەکە بە شێوەیەکی داخراو، ماوەی یەک کاتژمێر و نیوی خایاند. لە دوای کۆبوونەوەکە، کۆنگرەیەکی رۆژنامەوانی ھاوبەش بۆ یڵدرم و باخچەلی سازکرا.
بینالی یڵدرم گوتی: "ماوەیەکە بابەتی گۆڕانکارییەکی سنووردار لە دەستووردا بووەتە رۆژەڤی وڵاتەکەمان. ئەو کار و دانوستانانەی بەیەکەوە لەگەڵ پارتی بزوتنەوەی نەتەوەیی لەو بارەیەوە بەڕێوەیان دەبەین گەیشتوونەتە ئاستێکی پێگەیشتوو، و بۆ دواین جار چاوی پێیدا دەخشێرنرێتەوە و پشتیوان بە خودا لە ھەفتەی داھاتوودا وەک ئاک پارتی، وەک پارتی داد و گەشەپێدان، داواکارییەکەمان لەبارەی گۆڕانکاری دەستوور پێشکەش بە پەرلەمانی تورکیای دەکەین".
سەرۆکی گشتی ئاک پارتی و سەرۆکوەزیرانی تورکیا زیاتر گوتیشی: "ھەفتەی داھاتوو پێشنیاری گۆڕانکاری دەستوور پێشکەشی پەرلەمانی دەکەین. لەگەڵ مەھەپە لەسەر پێشنیارەکە رێککەوتووین، بەم پێیەش لە کۆبوونەوەکانی پەرلەمان کاری لەسەر دەکرێت. لەگەڵ ئەم گۆڕانکارییە، ئەگەر سەرکۆمار ھەڵبژێردرێت ئەوا پەیوەندی لەگەڵ پارتەکەی بەردەوام دەبێت. ئەمە گەورەترین گۆڕانکارییە".
لای خۆیەوە باخچەلی گوتی: "کۆبوونەوەکەی ئەمڕۆمان لە کەشێکی ئەرێنی بەرێوەچوو، لە ماوەیەکی کەمدا ئەم پێشنیارە پێشکەش بە پەرلەمانی دەکەین".