کەنەدا.. ئەرمەنییەکان پەلاماری ئازەری و تورک دەدەن

تۆرینتۆ- AA

تورک و ئازەرییەکانی دانیشتووی شاری مۆنتریال بۆ پشتیوانیکردن لە ئازەربایجان بە ئۆتۆمبێلەکانیان کاروانێکیان رێکخست.

بەڵام ئەرمەنییەکانی دانیشتووی ئەو شارە هێرشیان کردە سەر ئەو ئۆتۆمبێلانەی کە ئاڵای تورکیا و ئازەربایجان-یان بەرزکردبوویەوە و زیانیان بە ئۆتۆمبێلەکان گەیاند.

لە تۆڕە کۆمەڵایەتییەکانیش چەند گرتەیەکی تایبەت بە پەلامارەکە بڵاو کراوەتەوە.

هەروەها لە شاری تۆرینتۆ ئەرمەنییەکان بە ئاڵای وڵاتەکەیانەوە کاروانێکی ئۆتۆمبێلیان رێکخست و پەلاماری هاووڵاتییەکی تورک-یان دا کە لە نزیک شەقامەکە، ئیدانەی کردن.

هەر لە هەمان شار چەند ئەرمەنییەک هێرشیان کردە سەر ئۆتۆمبێلێک کە ئاڵای ئازەربایجان-ی بەرزکردبوویەوە و زیانیان بە ئۆتۆمبێلەکە گەیاند.

لە بارەی ئەم پەلامارانەشەوە باڵیۆزی تورکیا لە ئۆتاوا، کەریم ئوراس لێدوانی بۆ ئاژانسی ئانادۆڵو دا و ئەوەی ئاشکرا کرد کە لە نزیکەوە چاودێری ئەو پەلامارانە دەکەن.

کەریم ئوراس باسی لەوەش کرد کە داوای یاساییان پێشکەش بە دادگاکانی کەنەدا کردووە بۆ دەستگیرکردنی پەلاماردەرەکان.