کەنەدا دوو زانا دەنێرێتە بۆشایی ئاسمان

ئاژانسی بۆشایی ئاسمانی کەنەدی رایگەیاند کە دوو زانای دیکەی فەلەکناس رەوانەی بۆشایی ئاسمان دەکات.

وەزیری گەشەپێدان و ئابووری و زانستی کەنەدا، ناڤدیپ باینس لە روونکردنەوەیەکدا گوتی: "بۆ چوارەم جار لە مێژووی وڵاتەکەمان، بە مەبەستی زانستی دوو زانای فەلەکناس رەوانەی بۆشایی ئاسمان دەکەین".

ئەو وەزیرە ستایشی وڵاتەکەی کرد لە بەرەوپێشچوونانەکانی بواری فەلەکناسی و گوتی: "دوو زانایی دیکە رەوانەی بۆشایی ئاسمان دەکەین و دەبێتە هاوکاری ئەو زانایانەی کە لە ئێستادا سەرگەرمی لێکۆلینەوەن لە بۆشایی ئاسماندا، ئەودوو زانایە چەندین تایبەتمەندیان هەیە لە بواری فەلەکناسیدا".